ସପୋରରେ ସୁରକ୍ଷାକର୍ମୀଙ୍କୁ ବଡ଼ ସଫଳତା : ଟପ୍ ଲଶ୍କର୍ ଆତଙ୍କୀ ମୁଦାସିର ପଣ୍ଡିତ ସମେତ ତିନି ମୃତ
ଶ୍ରୀନଗର, (ଓଡିଶା ଟାଇମ୍): ସପୋରରେ ଆତଙ୍କବାଦୀଙ୍କ ଉପରେ ସେନାର ବଡ଼ ଆକ୍ସନ୍ । ଜମ୍ମୁ-କାଶ୍ମୀର ବାରମୂଳା ଜିଲ୍ଲାର ସପୋର ଅଞ୍ଚଳରେ ରବିବାର ଦିନ ମୁହାଁମୁହିଁ ହୋଇଛନ୍ତି ସୁରକ୍ଷାକର୍ମୀ ଓ ଆତଙ୍କବାଦୀ । ସାରା ରାତି ଜାରି ରହିଥିବା ଏହି ଏନକାଉଣ୍ଟରରେ ଭାରତୀୟ ସେନାକୁ ବଡ଼ ସଫଳତା ମିଳିଛି । ଲସ୍କରର ତିନି ଆତଙ୍କୀ ସେନା ଗୁଳିରେ ପ୍ରାଣ ହରାଇଛନ୍ତି । ମୃତ ଆତଙ୍କୀଙ୍କ ମଧ୍ୟରେ ଲଶ୍କରର ଟପ୍ ଆତଙ୍କୀ କୁହାଯାଉଥିବା ମୁଦାସିର ପଣ୍ଡିତ୍ ମଧ୍ୟ ଏଥିରେ ସାମିଲ ଅଛି । ତେବେ ବର୍ତ୍ତମାନ ସଂପୃକ୍ତ ଅଞ୍ଚଳରେ ସର୍ଚ୍ଚ ଅପରେସନ୍ ଜାରି ରହିଛି ।
ଉତ୍ତର କାଶ୍ମୀର ସପୋରର ଗୁଣ୍ଡ ବ୍ରଥ ଅଞ୍ଚଳରେ ରବିବାର ରାତିରେ ଏନକାଉଣ୍ଟର ଆରମ୍ଭ ହୋଇଥିଲା । ଆତଙ୍କୀ ଲୁଚି ରହିଥିବା ସ୍ଥାନକୁ ଚାରିଆଡ଼ୁ ଘେରି ନେଇଥିଲେ ଭାରତୀୟ ସେନା । ଆଉ ତା’ପରେ ଆତଙ୍କବାଦୀ ଓ ସୁରକ୍ଷାକର୍ମୀଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ଆଇଜିପି କାଶ୍ମୀର ବିଜୟ କୁମାର କହିଛନ୍ତି, ଲଶ୍କରର ଟପ୍ ଆତଙ୍କୀ ମୁଦାସିର ପଣ୍ଡିତ ଯିଏ ତିନି ପୋଲିସ କର୍ମୀଙ୍କ ହତ୍ୟା, ଦୁଇ ଜଣ ପାର୍ଷଦ ଓ ଦୁଇ ଜଣ ସାଧାରଣ ନାଗରିକଙ୍କ ହତ୍ୟା ସହ ଜଡ଼ିତ ଥିଲା, ସେ ଏନକାଉଣ୍ଟରେ ପ୍ରାଣ ହରାଇଛି । ଭାରତୀୟ ସେନାର ଏନକାଉଣ୍ଟରରେ ମୋଟ୍ ତିନି ଜଣ ଆତଙ୍କୀ ନିହତ ହୋଇଛନ୍ତି । ମୁଦାସିର ନାମରେ ୧୦ ଲକ୍ଷ ଟଙ୍କାର ପୁରସ୍କାର ଘୋଷଣା କରାଯାଇଥିଲା ।
J&K: Three terrorists, including top LeT terrorist Mudasir Pandit, killed in an encounter with security forces at Gund Brath area of Sopore. Security forces are carrying out the operation.
(Visuals deferred by unspecified time) pic.twitter.com/b3fHTayrwZ
— ANI (@ANI) June 21, 2021