ଆସନ୍ତାକାଲିଠୁ ବନ୍ଦ ରହିବ ରାଉରକେଲା ମୁଖ୍ୟ ଡାକ୍ତରଖାନାର ଓପିଡି

ଭୁବନେଶ୍ବର, (ଓଡିଶା ଟାଇମ୍) : ରାଉରକେଲା ସରକାରୀ ଡ଼ାକ୍ତରଖାନାର ଓପିଡ଼ି ଆସନ୍ତାକାଲି ଠାରୁ ୧୫ ତାରିଖ ପର୍ଯ୍ୟନ୍ତ ବନ୍ଦ ରହିବ। ଡ଼ାକ୍ତରଖାନାରେ ଜଣେ ରୋଗୀ କରୋନା ସଂକ୍ରମିତ ଚିହ୍ନଟ ହେବା ପରେ ହସ୍ପିଟାଲ କର୍ତୁପକ୍ଷଙ୍କ ତରଫରୁ ଆଜି ଏଭଳି ନିଷ୍ପତି ନିଆଯାଇଛି। ଏଥିସହ କିଛି କର୍ମଚାରୀଙ୍କୁ ମଧ୍ୟ କ୍ବାରେଣ୍ଟାଇନ ପଠାଯାଇଛି। ଗୁରୁତର ରୋଗୀଙ୍କ ବ୍ୟତୀତ ଅନ୍ୟମାନଙ୍କୁ ଡ଼ାକ୍ତରଖାନା ନ ଆସିବାକୁ ପରାମର୍ଶ ଦିଆଯାଇଛି।

ଅନ୍ୟପଟେ ମେଡିକାଲର ଅନ୍ୟ ବିଭାଗଗୁଡିକ ଖୋଲା ରହିବ ବୋଲି ହସ୍ପିଟାଲ କର୍ତ୍ତୃପକ୍ଷ ସୂଚନା ଦେଇଛନ୍ତି ।